Қазақстанда аптап ыстық сақталады

Синоптиктер 23 шілдеге Қазақстанның ауа райы болжамын ұсынды. Республиканың оңтүстігі мен оңтүстік-шығысында, орталығында жауын-шашынсыз ауа райы сақталады, деп хабарлайды Zakon.kz.

Республиканың басым бөлігінде жаңбыр жауып, найзағай ойнап, жел күшейеді, республиканың батысында бұршақ жаууы мүмкін, оңтүстік-батысында шаңды дауыл, солтүстікте түнде және таңертең тұман түседі. «Қазгидромет» РМК

Түркістан, Қызылорда, Жамбыл, Жетісу, Алматының оңтүстігінде, Қостанай, Маңғыстау облыстарының басым бөлігінде төтенше өрт қаупі сақталады.

Ақтөбе облысының оңтүстігінде күндіз қатты ыстық күтіледі.

Күндіз Жамбылдың басым бөлігінде, Қызылорданың оңтүстігінде, Түркістанның батысы мен шөлді аймақтарында, Жетісудың оңтүстігі мен орталығында, Алматы облысының солтүстігінде өте қатты ыстық сақталады.