Англия кадрлық дағдарысқа тап болды

кадр тапшы Англияда, сурет - Zakon.kz жаңалық 26.07.2022 16:26

Фото: pexels

Англияның денсаулық сақтау қызметі ел тарихындағы ең үлкен кадрлық дағдарысқа тап болды, деп хабарлайды Zakon.kz.

Медицина саласына 40 мыңға жуық медбике мен 8 мыңнан астам дәрігер жетіспейді.

Ковид қайта белең алған тұста бұл жығылғанға жұдырық болып тұр, деп жазады qazaqstan.tv.

Әсіресе перзентханаларға мамандар ауадай қажет. Тек өткен жылы 500-ден астам акушер жұмыстан шығып кеткен, өткен 3 жылмен салыстырғанда штаттағы дәрігерлер саны 700 адамға азайған.

Қаржының тапшылығына байланысты кейбір бос жұмыс орындарына маман іздестіріліп те жатқан жоқ.

Ковид пандемиясынан кейін әлі де жағдай түзелмеді, сала қызметкерлері бұл мәселені шешудің оңай жолы жоқ екенін біледі. Бірақ мәселені шешеміз. Жаңадан сайланатын премьер-министр осы мәселеге басымдық беруі тиіс. Джереми Хант, Денсаулық сақтау және әлеуметтік көмек комитетінің төрағасы

Оқи отырыңыз