Маңғыстауда көлік жүргізушілерінің бірі екіншісін ұрып өлтірді

Маңғыстауда жол бойында жанжал туындап, көлік жүргізушілерінің бірі екіншісін ұрып өлтірді, деп хабарлайды Zakon.kz.

Оқиға Мұнайлы ауданы Жаңа Дәулет ауылында болды.

35 жастағы күдікті егде жастағы зейнеткерді жол бермегені үшін ұрып-соғып, дене жарақатымен жол жиегіне тастап кеткен, деп жазады qazaqstan.tv.

Ал зардап шеккен тұрғын сол жерде көз жұмды. Осыған байланысты Қылмыстық кодекстің 99-бабы 2-бөлігі бойынша сотқа дейінгі тергеу басталды.

Тергеу сотының санкциясымен күдіктіге қатысты 2 ай мерзімге күзетпен ұстау түріндегі бұлтартпау шарасы таңдалған.