Қазақстанда 10 адамның үшеуі ғана қаржы жағдайына қанағаттанады
Сурет: Zakon.kz
Жыл сайын наурыз айында жүргізілетін халықтың өмір сүру сапасын зерттеуге сәйкес, қаржы жағдайына толықтай қанағаттанамын деп жауап берген респонденттердің үлесі екінші жыл қатарынан төмендеп келеді: 2022 жылы бір жыл бұрынғы 40,2%-ға қарағанда 32,1% ғана.
Бұл ретте қаржы жағдайына ішінара қанағаттанатындардың үлесі бір жылда 56,3%-дан 64%-ға дейін өсті. Қаржылық жағдайына көңілі толмайтын респонденттердің үлесі бір жылда өзгерген жоқ (0,6%). Респонденттердің 3,3%-ы жауап беруге қиналған.
Отбасының экономикалық жағдайына толық қанағаттанатын респонденттердің үлесі де бір жыл ішінде – 44,1%-дан 34,7%-ға төмендеді, ішінара қанағаттанғандар үлесі 52,8%-дан 63%-ға өсті. Отбасының экономикалық жағдайына қанағаттанбаған респонденттердің үлесі бір жылда 1,1%-дан 0,5%-ға дейін төмендеді, тағы 1,8%-ы жауап беруге қиналады, – делінген Ranking.kz зерттеуінде.
Елді мекен бойынша қаржылық жағдайына толық қанағаттанатын респонденттердің үлесі ауылдық жерлерде қалаға қарағанда жоғары: 34,8% қарсы 30,6%. Қанағаттанбағандардың үлесі қалаларда жоғары: ауылдық жерлерде 0,4%-ға қарсы 0,7%.
Ерлер арасында қаржылық жағдайына толық қанағаттанатындардың үлесі әйелдерге қарағанда жоғары: 35,9% және 29,5%. Сонымен қатар ерлер мен әйелдер арасында қанағаттанбағандардың үлесі бірдей: 0,6%.
