Әскерге шақырылған азамат Атырау облысындағы шекарада кенеттен қайтыс болды

17 тамызда Атырау облысындағы мемлекеттік шекара учаскелерінің бірінде қызмет атқару кезінде әскери қызметші Нұрбек Ерғалиев қайтыс болды, деп хабарлайды Zakon.kz.

Сот-медициналық сараптаманың қорытындысы бойынша «кенеттен жүрек өлімі» деп көрсетілген.

Жауынгердің өліміне қатысты қылмыстық іс қозғалды.

Ұлттық қауіпсіздік комитеті Шекара қызметінің басшылығы мен жеке құрамы марқұмның туған-туыстары мен жақындарына қайғыларына ортақтасып, оның отбасына қажетті көмек көрсету шараларын қабылдайды. Қазақстан Республикасы Ұлттық қауіпсіздік комитетінің баспасөз қызметі