Нұр-Сұлтанның үш тұрғыны психотроптық заттарды заңсыз сақтағаны үшін жазаланды

Нұр-Сұлтан қаласының тұрғындарын полиция қызметкерлері тоқтатып, тексеру барысында олардан есірткі заттары табылып, тәркіленді, деп хабарлайды Zakon.kz.

Сот бұл тұлғаларды 70 сағат қоғамдық жұмысқа тарту туралы үкім шығарды.

Сотталғандар пробация қызметінің есебіне алынып, қоғамдық жұмыстарды орындау үшін жергілікті атқарушы органға жолданды.

Енді жас жігіттер күніне 4 сағат бойы Елорданың қоқыс жәшіктерін тазалап, көшелерін сыпыруға мәжбүр болды, - деп хабарлады ҚАЖ Департаментінің қаланың баспасөз қызметі.