Қазақстандық мектептерде 1 қыркүйек қалай өтеді

Қазақстанда 1 қыркүйекте мектептерде Білім күніне арналған салтанатты линейка өтеді, деп хабарлайды Zakon.kz.

Білім министрлігінің баспасөз қызметінде атап өткендей, салтанатты шараның форматы мен қатысушылардың құрамын мектептердің өздері белгілейді.

Іс-шараларға аниматорларды, мерекелік агенттіктерді, суретшілерді тартуға, үстелдер ұйымдастыруға, ғимаратты және мектеп аумағын шарлармен безендіруге жол берілмейді. Қазақстан Республикасы Білім министрлігінің Баспасөз қызметі

Сондай-ақ Мемлекеттік Ту алынып, Мемлекеттік Әнұран орындалады.

1 қыркүйекте еліміздің барлық мектептерінде «Білімге ұмтылу, еңбексүйгіштік және патриоттық сезім» атты бірыңғай сынып сағаты өтеді.