Маңғыстаудағы теміржол вокзалында ер адам сөмкесінде бомба барын хабарлады

Маңғыстау вокзалының полиция бөлмесіне белгісіз азамат келіп, сөмкесінде жарылғыш зат бар екенін айтқан. Атырау облысының 49 жастағы тұрғыны ұсталды, деп хабарлайды Zakon.kz.

Теміржол вокзалының ғимараты қоршауға алынып, 37 адам қауіпсіз жерге көшірілді.

Аумақты тексеру кезінде жарылғыш зат салынған сөмкелер табылмады.

ҚР Қылмыстық кодексінің 273-бабы «Терроризм актісі туралы көрінеу жалған хабарлау» бойынша сотқа дейінгі тергеу амалдары жүргізілуде.