Экологтар Қостанай облысындағы өрт ошақтарындағы ауаның сапасын тексерді

Экологтар өрттен келген зардапты айтты, сурет - Zakon.kz жаңалық 05.09.2022 14:16

Сурет: Қазақстан Республикасы Экология министрлігінің баспасөз қызметі

Қостанай облысының Әулиекөл ауданында болған өртке байланысты 4 қыркүйекте экологтар жоспардан тыс кешенді ауаны зерттеу жұмыстарын жүргізді, деп хабарлайды Zakon.kz.

Жұмыс бес ауылда жүргізілді: Новонеженка, Аманқарағай, Әулиекөл, Бағаналы және Лесное. Бұл пункттерде азот диоксиді, көміртегі тотығы және күкірт диоксиді деңгейінің жоғарылауы тіркелді. Қазақстан Республикасы Экология министрлігінің баспасөз қызметі

Ведомствоның мәліметінше, түтіннің кесірінен ауылдарда көріну нашар болған.

Қазіргі уақытта Лесное және Бағаналы ауылдарының аумағында өртті сөндіру жұмыстары жүргізілуде. Келтірілген шығын көлемін өрт толық жойылғаннан кейін арнайы құрылған комиссия анықтайды. Өрт аумағы 43 мың гектарды құрады. Қазақстан Республикасы Экология министрлігінің баспасөз қызметі

2 қыркүйекте Қостанай облысының Әулиекөл ауданында орман өртенді. Өңірдегі өрт төртінші күн қатарынан сөндіріліп жатыр.

4 қыркүйекте өрт аумағы 43 мың гектардан асты.

Оқи отырыңыз