Қазақстанның Сыртқы істер министрлігі Си Цзиньпиннің сапарының ерекшелігі неде екенін айтты

Қытай басшысының Қазақстанға келгендегі ерекшелігі, сурет - Zakon.kz жаңалық 12.09.2022 17:09

Сурет: pixabay

Қазақстан Республикасы Сыртқы істер министрлігінің ресми өкілі Айбек Смадияров ведомствода өткен брифингте Қытай Халық Республикасы Төрағасының Қазақстанға сапарының ерекшелігі неде деген сұраққа түсініктеме берді. деп хабарлайды Zakon.kz тілшісі.

Қытай Халық Республикасының Төрағасы Си Цзиньпиннің сапарының ерекшелігі – оның әлемде коронавирус індетінен кейін бірінші болып Қазақстанға баруы. Бұл Қазақстан үшін үлкен мәртебе. Сапар жоғары деңгейде өтеді деп сенеміз. Айбек Смадияров, Қазақстан Республикасы Сыртқы істер министрлігінің ресми өкілі

Спикер сапар аясында Қытай Халық Республикасы көшбасшысының Қазақстан Президенті Қасым-Жомарт Тоқаевпен кездесуі жоспарланғанын атап өтті.

14 қыркүйекте Қытай басшысы Си Цзиньпин Нұр-Сұлтанға келеді.

Оқи отырыңыз