Нұр-Сұлтанда Әлемдік және дәстүрлі діндер көшбасшыларының VII съезі басталды
Сурет: видеодан скриншот
Нұр-Сұлтанда Әлемдік және дәстүрлі діндер көшбасшыларының VII съезі басталды.
VII съезд жұмысына әлемнің 50 елінен 100-ден астам делегация қатысуда.
Шара Тәуелсіздік сарайында өтіп жатыр. Сьезд дұға үшін бір минут үнсіздікпен басталды.
Съезд «Пандемиядан кейінгі кезеңдегі әлемдік және дәстүрлі діндер көшбасшыларының адамзаттың рухани және әлеуметтік дамуындағы рөлі» тақырыбындағы пленарлық отырыспен ашылады.
Пленарлық отырыс барысында «Дінаралық диалогқа қосқан үлесі үшін Астана халықаралық сыйлығының» номинанттарын марапаттау, Әлемдік және дәстүрлі діндер көшбасшылары съезінің құрметті медальдарын тапсыру жоспарланған.
13 қыркүйекте Рим Папасы Нұр-Сұлтанға ұшты, оны президент Қасым-Жомарт Тоқаев жеке қарсы алды. Рим Папасының сапары аясында еліміздің жоғарғы басшылығымен кездесулер, Әлемдік және дәстүрлі діндер лидерлерінің VII съезіне қатысу, сондай-ақ Қасиетті месса жоспарланған.
Рим Папасы Францисктің массасы барлығына тегін болады. Ол ЭКСПО халықаралық көрме орталығының аумағында өтеді. Әр елден 3 мыңға жуық қажы келеді деп күтілуде.
