Қазақстанда желтоқсан айындағы демалыс күндердің саны азайды

2022 жылғы 29 қыркүйекте қабылданған "Қазақстан Республикасындағы мерекелер туралы" заңға енгізілген өзгерістерге сәйкес, желтоқсан айында мереке күндерінің саны екі күнге қысқарады, деп хабарлайды Zakon.kz.

Атап айтқанда, 1 желтоқсан – Қазақстан Республикасының Тұңғыш президенті күні мемлекеттік мерекелер тізімінен алынып тасталды.

Сонымен қатар биылдан бастап Тәуелсіздік күні бір күн ғана – 16 желтоқсан күні тойланады. Заңның бұрынғы редакциясында екі күн демалыс болған еді: 16 және 17 желтоқсан.

Осыған орай қазақстандықтар желтоқсан айында өткен жылдарға қарағанда, аз демалады. 1 және 17 желтоқсан жұмыс күндеріне айналды.

Ал 25 қазан – Республика күні жаңа ұлттық мерекеге айналды.