Синоптиктер 5 қазанға арналған ауа райы болжамын жариялады

"Қазгидромет" РМК мәліметінше, Қазақстанның басым бөлігінде жауын-шашынсыз ауа райы күтіледі, тек республиканың батысы мен оңтүстік-шығысында жаңбыр жауады, деп хабарлайды Zakon.kz.

Синоптиктердің болжамы бойынша, оңтүстік-шығыстың таулы аймақтарында қар жауады.

Республикада кей жерлерде жел күшейеді, оңтүстікте, оңтүстік-батыста шаңды дауыл тұрады, түнде шығыста, оңтүстік-шығыстың таулы аймақтарында тұман күтіледі. "Қазгидромет" РМК

Сондай-ақ, Жамбыл облысының таулы аймақтарында, солтүстікте, шығыста, Ақтөбе облысының орталығында да 2 градусқа дейін үсік жүреді. Түркістан облысының солтүстік өңірінде де күн суытады.