Азат Перуашев президенттік сайлауға түсуден не себепті бас тартқанын айтты
Сурет: Zakon.kz
"Ақ жол" демократиялық партиясының төрағасы Азат Перуашев Қазақстандағы кезектен тыс президенттік сайлауға қатысудан бас тартуының себебін түсіндірді, деп хабарлайды Zakon.kz тілшісі.
Партия төрағасы қазір ел алдында әлеуметтік-экономикалық, ішкі және сыртқы саяси мәселелерге байланысты міндеттер тұрғанын айтты.
Өз амбицияларыңды ұстанып, құндылықтар иерархиясын, басымдықтарды түсіну қажет болатын жағдайлар бар, бұл маңыздырақ, деді Азат Перуашев "Ақ жол" партиясының кезектен тыс съезінде.
Ал Қазақстан үшін басты міндет, оның айтуынша, мемлекеттілікті нығайту, тәуелсіздік пен аумақтық тұтастықты сақтау.
Бүгінде елімізді сыртқы саяси қарым-қатынаста өзінің пәрменділігін танытқан президент басқарып отыр. Жақын көршілеріміз бетпе-бет келіп жатқан барлық қиындықтарға қарамастан, Қазақстан бәрімен тең жағдайда қалып отыр. Азат Перуашев
6 қазанда өткен кезектен тыс XIX Cъезінде "Ақ жол" демократиялық партиясының мүшелері президенттікке Қасым-Жомарт Тоқаевтың кандидатурасын ұсынды. Қазіргі мемлекет басшысының кандидатурасын қолдап, 74 адам дауыс берді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
