Ақтауда жігітті аяусыз ұрған сәт видеоға түсіп қалды

Видео әлеуметтік желіде пайда болды. Кадрда жас жігітті тепкілеп, басына секіріп жатқанын көруге болады, деп хабарлайды Zakon.kz.

Полиция оқиғаға қатысты түсініктеме берді.

Жастар арасында ауызша ерегес болып, арты төбелеске ұласты. Бұл оқиғаға қатысушылардың барлығы ұсталды. Ақтау қалалық ПД баспасөз қызметі

Бұл факт ЕРДР-де Қазақстан Республикасы Қылмыстық кодексінің 293 бабының 2-бөлігі "Бұзақылық" бойынша тіркелген.

Қыркүйектің 15-і күні Ақтауда жігіттерді қолдан жасалған сойыл мен таяқпен ұрған. Полицейлер жәбірленуші мен үш күдіктінің кім екенін анықтады. Қазірдің өзінде екеуі қамауға алынды, тағы біреуі іздестірілуде.