Тоқаев: Өз тілің бірлікке керек, өзге тіл тірлікке керек

Президент қазақ тілі туралы айтты, сурет - Zakon.kz жаңалық 22.10.2022 11:15

Сурет: pixabay

Президент Қасым-Жомарт Тоқаевтың қатысуымен ұлттық мереке Республика күні қарсаңында тағайындалған мемлекеттік наградалар мен сыйлықтар тапсыруға арналған салтанатты рәсім өтіп жатыр. Алқалы жиында президент қазақ тілі мәселесіне ерекше тоқтады, деп хабарлайды Zakon.kz.

Мемлекет басшысының мәліметінше, Қазақстан халқын ұйыстыратын тағы бір символ – Мемлекеттік тіл. Қазақ тілі мәңгілік мемлекеттік тіл тұғырында болады, деді президент.

Қазақ тілінің қолданыс аясын арттыра беру – мемлекеттің міндеті. Бұл жұмыс тоқтамайды, жалғаса береді. Жақында мен «Өз тілің – бірлік үшін, өзге тілдер – тірлік үшін» деп айттым. Президент

Мемлекет басшысының айтуынша жастар көп тіл білген сайын бәсекеге қабілетті, білікті маман болады.

Тіл, ұлтаралық қатынас – ішкі тұрақтылыққа ықпал ететін өзара тығыз әрі маңызды факторлар. Сондықтан, мұндай маңызды мәселелерден саяси құрал жасауға болмайды. Осындай қоғамдық тұрғыдан сезімтал мәселелерді саясиландырудың кесірінен кейбір елдер қасіретті жағдайға ұшырады. Бұл – біздің жол емес». Қасым-Жомарт Тоқаев

Оқи отырыңыз