Оралда үш баласы бар ана аялдамада түнеп шықты

БҚО денсаулық сақтау басқармасы сәбидің жағдайы қанағаттанарлық деп хабарлады. Полицейлер балалардың анасы ішімдік ішпейтінін атап өтті, деп хабарлайды Zakon.kz.

Учаскелік полиция қызметкері рейд кезінде Ет комбинатының жанындағы аялдамада балалы ананы байқайды.

Оның барар жері жоқ болып, балалармен автобус аялдамасында түнеген.

Мән-жайды анықтаған соң барлығы полиция бөліміне жеткізілді, кейінірек төрт жасар екі егіз балаларды қолдау орталығына жіберді, ал 11 айлық ұл ауруханаға жатқызылды. Онда ол толық тексеруден өтіп, анасына жұмысқа орналасуға көмектеседі.