Алматы облысында бір ай бұрын жоғалып кеткен жасөспірім егіс алқабынан табылды

Алматы облысында қыркүйектің 11-і күні жоғалып кеткен 14 жастағы оқушы табылды, деп хабарлайды Zakon.kz.

Баланы іздеуге полиция мен еріктілер жұмылдырылды.

Нәтижесінде, департаменттің баспасөз қызметінің мәлімдеуінше, кәмелетке толмаған жасөспірім Талғар ауданы, Сақтан ауылынан табылды.

Бала 40 күннен астам ата-анасынан жасырынып жүрген. Ол далада түнеп, көзге түспеуге тырысқан.

Сондай-ақ ол бұған дейін де үйінен бірнеше рет қашып кеткені белгілі болды. Ол ата-анасымен бірге тұрғысы келмейтінін айтқан.

Баланың болашақ тағдырын комиссия құрамында облыстық қорғаншылық және қамқоршылық департаменті, жергілікті атқарушы орган қызметкерлері, ювеналдық полиция қызметкерлері шешеді. Алматы облысы ПД баспасөз қызметі