Полицейлер Ақтөбе облысында өлі күйінде қоқысқа тасталған сәбидің анасын тапты

Ақтөбе облысы, қоқыс, сәби, нәресте, сурет - Zakon.kz жаңалық 27.10.2022 15:28

Сурет: pexels

Ақтөбе облысында екі күн бұрын полигоннан табылған жаңа туған нәрестенің анасы анықталды, деп хабарлайды Zakon.kz.

23 қазанда Қарғалы ауданы, Бадамша ауылы маңындағы Рождество – Донское тас жолының бойында орналасқан қоқыс полигонынан жаңа туған баланың мәйіті табылды. Жедел-іздестіру іс-шараларын жүргізу барысында полиция қызметкерлері 1995 жылғы әйелді анықтады. Айтуынша, ол өлі баланы үйінде босанып, қорқып, қоқыс жәшігіне апарып тастаған, – деді Ақтөбе облысының полиция департаментіндегілер.

Қазір бұл жайт бойынша ҚР Қылмыстық кодексінің 100-бабымен ( "Жаңа туған баланы анасының өлтiруi") сотқа дейінгі тергеу амалдары жүріп жатыр.

24 қазанда Ақтөбе облысындағы қоқыс полигонында қара полиэтилен пакетке салынған жаңа туған нәрестенің мәйіті табылып, қылмыстық іс қозғалды.

Оқи отырыңыз