Қараша айында елімізде 25 градусқа дейін аяз болады

Синоптиктер Қазақстанда 2022 жылдың қараша айына арналған ауа райы болжамын ұсынды, деп хабарлайды Zakon.kz.

Қараша айында елімізде ауа температурасы климаттық нормада болады деп болжануда.

Қазақстанның батыс жартысында жауын-шашын нормадан аз, шығыс жартысында нормаға жақын болады деп күтілуде.

Қараша айының басында жаңбыр мен бұрқасын күтіледі, республиканың оңтүстігінде негізінен жаңбыр жауады.

Ең көп жауын-шашын еліміздің солтүстік-батысында, солтүстігінде және орталығында болады.

Жел 15-28 м/с күшейеді, кей жерлерде көктайғақ болуы мүмкін.

Қарашаның алғашқы күндерінде Қазақстан аумағында ауа температурасы түнде -5...+5°С, күндіз +1...+9°С, республиканың оңтүстігі мен оңтүстік-шығысында +9°С жылы болады.

«Қазгидромет» РМК мәліметі бойынша бірінші онкүндіктің ортасынан бастап белсенді циклон Қазақстан аумағынан шығысқа қарай жылжиды, осы циклоннан кейін Қара теңіз өңірлерінен антициклон таралып, жауын-шашынның тоқтауына әкеліп соғады.

Ауа температурасының біртіндеп төмендеуі де күтілуде:

• солтүстік жартысында түнде -3...-13°С, күндіз -5...+2°С,

• оңтүстік жартысында түнде -5...+2°С, күндіз 0...+8°С дейін.

Айдың екінші және үшінші онкүндігінде Қазақстан аумағына солтүстік теңіздер, Батыс және Шығыс Сібір аудандарынан суық ауа массалары жиі түседі, тұрақсыз ауа райы болжанады. Термометрлер төмендейді:

батыс, солтүстік, орталық және шығыс облыстарда түнде -17...-25°С, күндіз -5...-12°С дейін;

Республиканың оңтүстігінде, оңтүстік-шығысында түнде -10...-17°С, күндіз -3...-10°С дейін.

Ауа райы болжамына сәйкес, Қазақстан аумағына Атлант және Иран аймақтарынан ауа массалары келетін жылы күндер де болады.