Бірқатар полиция бөлімдерінде кадрлық өзгерістер орын алды
Сурет: ҚР ІІМ
Фархад Омаров Ақмола облысының полиция департаменті бастығының орынбасары қызметіне тағайындалды. Бұған дейін Ішкі істер министрлігі Тергеу департаментінің талдау жұмысы және алдын ала тергеу басқармасының бастығы қызметін атқарған.
Дәурен Ибраев Қарағанды облысының полиция департаменті бастығының орынбасары қызметіне тағайындалды. Ол бұған дейін Қызылорда қалалық ішкі істер басқармасы бастығының орынбасары қызметін атқарған.
Қайрат Әбдіғалиев Абай облысының полиция департаменті Семей қалалық полиция бөлімінің бастығы қызметіне тағайындалды. Ол бұған дейін ШҚО ІІД Криминалдық полиция басқармасының бастығы қызметін атқарған.
Тағайындау туралы бұйрыққа қол қою кезінде Ішкі істер министрі Марат Ахметжанов оларға қойылатын талаптарды тағы да еске салды.
