Қытайдағы Disneyland COVID-19-ға байланысты ішіндегі адамдармен бірге жабылды

Шанхайда COVID-19 індеті жарияланғаннан кейін Диснейленд келушілері саябақта қамалды. Саябақтың мыңдаған қонақтары шығуға қарай жүгірді, бірақ қақпалар лезде жабылды, деп хабарлайды Zakon.kz.

Саябақтан тек коронавирус нәтижесі теріс тест көрсеткендер ғана шыға алады, деп жазады Daily Mail.

Қытайда «нөлдік төзімділік» саясаты бар. Сенбі, 29 қазанда Шанхайда коронавирус инфекциясының 10 жағдайы анықталды. Шектеулер адамдарды COVID-19 сынағының нәтижелерін алғанша карантинде қалуға мәжбүр етті.

29 наурызда Шанхай жаңарған COVID-19 індетіне байланысты қатаң карантинге алынды.