Павлодарлық келіншек инвестиция алу үшін алаяқтарға 19 млн теңге аударған
Сурет: pexels
Алаяқтардың арбауына түскен Павлодар тұрғыны 19 миллион теңгеге несие рәсімдеген. Полицейлердің Zakon.kz сайтына хабарлауынша, жәбірленуші Instagram желісінде пайдалы инвестиция туралы жарнамаға сеніп қалған.
Жәбірленушінің айтуынша, белгісіз біреулер оған Telegram желісінде хабарлама жазып, инвестиция салудың артықшылықтары туралы айтқан. Сонан соң "менеджер" телефон соғып, белгілі бір қосымшада тіркеуден өтіп, ақша салу керек екенін түсіндіріпті.
Ведомствоның баспасөз қызметінің хабарлауынша, мұнан соң әйел 19 млн теңгеге несие рәсімдеген. Ол барлық соманы қосымша арқылы алақтарға аударған.
Бұл факті бойынша ҚР Қылмыстық кодексінің 190-бабымен сотқа дейінгі тергеу басталды.
Қаскүнемдердің жеке басын және тұрған жерін анықтау үшін қажетті жедел-іздестіру шаралары жүріп жатыр. Павлодар облысының полиция департаментінің баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
