Маңғыстау облысында екі адамның өліміне кінәлі деп танылған дезинсектор сотталды

Маңғыстау облысында зиянкестерді дәрілеймін деп, көршілерінің өліміне себеп болған ер адам бес жылға сотталды, деп хабарлайды Zakon.kz.

Прокуратураның мәліметінше, ер адам құрбысына пәтеріндегі зиянкестерді дезинцекциялауды ұсынған.

Салдарынан ауаға түссіз улы газ – алюминий фосфиді таралып, соның салдарынан көрші пәтердің тұрғындары: жасөспірім қыз бен оның анасы уланып, көз жұмды.

Ол танысының пәтерін Қазақстанда қолдануға тыйым салынған қауіпті "Квикфос" улы затымен дәрілеген.