Декреттік демалыста жүрген әйелді жұмысқа шақыруға бола ма
Сурет: Zakon.kz
Еңбек және халықты әлеуметтік қорғау министрлігі жүктілігі және босануы бойынша демалыс босанғанға дейін 70 күнтізбелік күнге және босанғаннан кейін 56 күнтізбелік күнге (қалыпты босануға) беріледі деп жауап берді.
Әйел жүкті кезінде еңбекке уақытша жарамсыздық парағын алуға өтініш берген кезде демалыс оның босанғанға дейін нақты пайдаланған күндерінің санына және жұмыс берушімен жұмыс істеу ұзақтығына қарамастан жалпы есептеледі және толық көлемде беріледі. Демалыстың бұл түрінен кері шақыру қарастырылмаған, делінген жауапта.
Бұл ретте Еңбек министрлігі Еңбек кодексі қызметкердің босанғаннан кейінгі демалыстан мерзімінен бұрын шығу құқығын шектемейтінін атап өтті.
Осыған байланысты олар егер әйел босанғаннан кейінгі демалысты тоқтатып, мерзімінен бұрын жұмысқа барғысы келсе, жұмыс беруші оған жұмыс істеуге рұқсат беруге құқылы екенін қосты. Ол үшін ол тиісті өтініш жазуы керек.
