Руслан Желдібай Тоқаевтың территориялық тұтастық жөніндегі мәлімдемесін түсіндірді

Түркі мемлекеттері ұйымының саммиті, ҚР президентінің баспасөз хатшысы, сурет - Zakon.kz жаңалық 11.11.2022 17:14

Сурет: akorda.kz

11 қараша күні Қасым-Жомарт Тоқаевтың баспасөз хатшысы Facebook-тегі парақшасында президенттің Түркі мемлекеттері ұйымының бүгінгі саммитінде барлық мемлекеттің территориялық тұтастығын қолдау туралы мәлімдемесіне түсініктеме берді, деп хабарлайды Zakon.kz.

Руслан Желдібайдың сөзінше, Самарқандта өткен Түркі мемлекеттері ұйымының бүгінгі саммитінде барлық мемлекеттің территориялық тұтастығын қолдау және БҰҰ Жарғысын сақтау туралы Президенттің бүгінгі мәлімдемесіне қатысты БАҚ-тан сұрақтар келіп түсіп жатыр.

Ол Мемлекет басшысы бұл мәлімдемені Солтүстік Кипр Түрік Республикасына Түркі мемлекеттері ұйымында бақылаушы мәртебесін беру туралы өтінішке орай жасағанын атап өтті.

Қазақстан БҰҰ Жарғысын және халықаралық құқықтың негізгі қағидаттарын дәйекті түрде ұстанады. Президент бұл жөнінде бірнеше рет айтқан.Руслан Желдібай

Саммитте сөйлеген сөзінде Қасым-Жомарт Тоқаев Қазақстан барлық елдің территориялық тұтастығын табанды түрде қолдайтынын айтқан еді.

Бұл – еліміздің негізгі мүддесіне толығымен сай келетін қажетті қағидат. Сондықтан бұл қағидатқа басымдық ретінде баса назар аударамыз.Қасым-Жомарт Тоқаев

Оқи отырыңыз