Атырауда жүргізуші жаяу жүргіншіні қағып, екі көлікпен соқтығысты
Сурет: Атырау облысы ПД баспасөз қызметі
Атырауда 18 қарашада Toyota Camry жүргізушісі адам өліміне әкелген жол апатын жасады, деп хабарлайды Zakon.kz.
"18 қарашада сағат 09:00 шамасында Toyota Camry жүргізушісі тізгінге ие бола алмай, электр бағанасына, сонан соң салынып жатқан ғимараттың қоршауына соғылып, жаяу жүргіншілер жолындағы ер адамды қағып кетті. Сонымен бірге ол тұрақта тұрған Hyundai Elantra және "Ваз 2111" көліктерін соқты. Салдарынан тұрақта тұрған Hyundai жүріп бара жатқан Volkswagen Passat көлігіне соғылды", – деп хабарлады Атырау облысы полиция департаментінің баспасөз қызметі.
Апат салдарынан жаяу жүргінші оқиға орнында көз жұмды. Полиция оның кім екенін анықтап жатыр.
Қазір бұл жол апаты бойынша тергеу амалдары жүріп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
