Досхан Жолжақсынов халықты азаматтық белсенділік танытуға шақырды

Кинорежиссер Досхан Жолжақсынов қазақстандықтарды азаматтық белсенділік танытуға шақырды, деп хабарлайды Zakon.kz.

Ол таңдау жасап қойғанын айтты.

"Құрметті ағайындар! Бүгін мемлекетіміз бен халқымыз үшін маңызды күн. Біз ата-баба аманатын келер ұрпаққа жеткізуге жауаптымыз, сондықтан сайлау учаскелеріңізге келіп, таңдау жасаңыз. Мен өз таңдауымды жасап қойдым! "– деді белгілі кинорежиссер, актер, Қазақстанның халық әртісі Досхан Жолжақсынов.

2022 жылғы 20 қарашада Қазақстанда кезектен тыс президент сайлауы өтіп жатыр. ОСК мәліметінше, сайлаушылар тізімінде 11 950 485 Қазақстан азаматы бар.