Ұлытау облысында Республика күні мерекесі тойланды

Мереке тойланды, сурет - Zakon.kz жаңалық 04.11.2022 10:57

Сурет: Ұлытау облысы әкімінің баспасөз қызметі

Халықпен қайта қауышқан – Республика күні мерекесі аталып өтілуде. 13 жылдан кейін, қайта жанданған мереке Ұлытау облысында өткен құрылтайда мерекелер тізіміне қосылған болатын.

Ұлттық мерекеге орай қаламызда «Қыран елім – Қазақстаным!» атты патриоттық акция өтті.

Мерекелік іс-шаралар легі орталық алаңда 200-ге жуық қала тұрғындарының ҚР Әнұранын бір мезетте шырқауынан бастау алды.

«Сәтбаев – татулық бесігі» атауымен этномәдени бірлестіктер өкілдері және мешіт қызметкерлері ұлттық тағам түрлерін халыққа ұсынды. Соынмен қатар, түрлі ұлт өкілдерінің әні шырқалып, шағын концерттік бағдарлама өтті.

Жастар орталығының ұйымдастыруымен автошеру өтті. Автошерудің негізгі атрибуты Қазақстанның туы болды.

5 автокөлік көк байрақты желбіретіп, Мәңгілік ел, Ұлытау, Тәуелсіздік, Ерден, Абай, Сәтбаев даңғылымен жүріп өтті.

Оқи отырыңыз