Қазақстандықтар Өзбекстанда 30 күнге дейін тіркеусіз жүре алады
Сурет: akorda.kz
Жобаның мақсаты – мемлекет азаматтарының мемлекеттік шекараны кесіп өткен сәттен бастап 30 тәулікке дейін болуы үшін қолайлы жағдай жасау.
Осылайша хаттамада бір тарап мемлекетінің азаматтары тұрақты тұрғылықты жеріне қарамастан екінші тарап мемлекетінің аумағына кіруге, шығуға, транзитпен өтуге, егер олардың болу мерзімі өтпеген жағдайда (30 күн, 90 күн, 180 күн) еркін жүре алады деп көрсетілген.
Қазір екі елдің азаматтары 5 күн ғана тіркеусіз жүре алады.
Бұл ретте, егер бір елдің азаматы басқа елде 30 күнтізбелік күннен артық болса, онда ол уәкілетті органдардан уақытша тұруға (уақытша тұруға рұқсат алу үшін) рұқсат алуға міндетті. Құжаттан кез келген көлік түрімен шекарадан өткен кезде көші-қон карталарын алу және көрсету талабы алынып тасталды.
Сонымен қатар екі мемлекеттің азаматтары басқа мемлекеттің аумағында болған кезде оның ұлттық заңнамасын сақтауға міндетті деген түзету енгізілді.
Құжат 12 желтоқсанға дейін қоғамдық талқылау үшін Ашық НҚА веб-сайтында жарияланған. Сонымен қатар Қазақстан мен Өзбекстан арасындағы одақтастық қатынастар туралы шарт жобасы дайындалды.
