Елімізде жалға берілетін баспана арзандады
![Қазақстан, жалдамалы пәтер, жалдамалы пәтер бағасы, сурет - Zakon.kz жаңалық 02.12.2022 09:29](https://kaz.zakon.kz/pbi/WEBP/2023-12-20/file-47feea6e-44e1-404d-8a4e-04232f619eb8/800x451.webp)
Krisha.kz басылымының жазуынша, мониторинг жүргізілген 11 қалада қарашаның 24-і мен желтоқсанның 1-і аралығындағы бір аптада тарифтер төмендеген.
Соның ішінде: Оралда – 6,2 пайыз, 1 шаршы метрі 2 708 теңгеге дейін; Қостанайда – 4,7 пайыз, 3174 теңгеге дейін; Петропавлда – 4,7 пайыз, 2600 теңгеге дейін; Алматыда – 3,1 пайыз, 6250 теңгеге дейін; Астанада – 2,5 пайыз, 4062 теңгеге дейін.
Сарапшылардың сөзінше, 1 желтоқсандағы жағдай бойынша жалға алу бағасы қыркүйектің басындағы деңгейге жеткен жоқ.
Ең үлкен алшақтық Қостанай (+24,6 пайыз), Павлодар (+16,9 пайыз), Алматы (+16,1 пайыз), Астана (+11,7 пайыз) қалаларында байқалды.
Қарағандыда, Ақтөбеде, Ақтауда, Атырауда дерлік қалыпқа келді деуге болады, қыркүйекпен салыстырғанда айырмашылық 5 пайыздан аспайды.