Синоптиктер күн райы жауын-шашынсыз болатынын болжады

"Қазгидромет" РМК еліміз бойынша 2022 жылғы 13-15 желтоқсанға арналған ауа райы болжамын ұсынды, деп хабарлайды Zakon.kz.

"Алдағы үш тәулікте Қазақстан аумағы әлі де антициклонның ықпалында болады, онымен негізінен жауын-шашынсыз ауа-райы күтіледі, тек республиканың батысында, шығысында, солтүстік-шығысында атмосфералық фронтальды бөліктердің өтуімен, қар, жаяу бұрқасын болжанды"."Қазгидромет" РМК 

Сондай-ақ болжамға сәйкес, еліміздің оңтүстігі мен батысында желдің жылдамдығы 15-20 м/с-ке дейін күшейеді.

Ауа температурасы:

• еліміздің солтүстігінде түнде 23-31 аязға дейін, күндіз 15-28 аязға дейін;
• орталықта түнде 18-33-ке дейін, күндіз 13-23 аязға дейін;
• шығыста түнде 25-34 аязға дейін, күндіз 20-30 аязға дейін;
• ал еліміздің батысында түнде 0-8 аязға дейін, күндіз 5 аяз - 5 жылыға дейін төмендейді.