Синоптиктер 14 желтоқсанда Қазақстанның қай өңірінде бұрқасын болатынын айтты

Синоптиктер еліміз бойынша 2022 жылғы 14 желтоқсанға арналған ауа райы болжамын ұсынды, деп хабарлайды Zakon.kz.

Синоптиктердің болжамынша, ел аумағының басым бөлігіне антициклон әсер ететіндіктен, ауа райы жауын-шашынсыз болады.

"Қазгидромет" РМК таратқан мәліметке сүйенсек, тек республиканың шығысында, солтүстік-шығысында, оңтүстік-батысында атмосфералық фронтальды айырықтың өтуімен бұрқасынмен бірге қар жауады, оңтүстік-батыста қар аралас жаңбыр жауады.

Республика бойынша жел күшейеді, солтүстікте және оңтүстікте тұман, оңтүстік-батыста көктайғақ болады.