Синоптиктер сенбі күні ауа райы қалай құбылатынын айтты

Ауа райы болжамы, Алматы, Астана, Шымкент, сурет - Zakon.kz жаңалық 02.12.2022 15:18

Сурет: pixabay

Синоптиктер еліміз бойынша 2022 жылғы 3 желтоқсанға арналған ауа райы болжамын ұсынды, деп хабарлайды Zakon.kz.

"Қазгидромет" РМК таратқан мәліметке сүйенсек, атмосфералық фронтальды бөліктердің әсерінен елдің шығысында, орталығында, солтүстік-батысында және Алматы облысының таулы аймақтарында қар жауып, бұрқасын соғады. Республиканың қалған бөлігінде ауа райы негізінен жауын-шашынсыз.

Батыста, оңтүстіктің таулы аймақтарында, оңтүстік-шығыста – тұман. Республиканың батысында, солтүстік-батысында, солтүстігінде, оңтүстігі мен оңтүстік-шығысының таулы аймақтарында жел күшейеді деп болжанды. "Қазгидромет" РМК

Астанада көшпелі бұлт шығады, кей жерлерде аздаған қар жауады, бұрқасын соғады. Солтүстік-шығыстан екпіні 9-14 м/с болатын жел соғады. Ауа температурасы түнде 22-24°C , күндіз 17-19°C аяз.

Алматыда көшпелі бұлт шығады, жауын-шашынсыз. Түнде және таңертең тұман. Жел 0-5 м/с. Ауа температурасы түнде 7-9°C , күндіз 2-4°C аяз.

Шымкентте көшпелі бұлт шығады, жауын-шашынсыз. Түнде және таңертең тұман. Солтүстік-шығыстан 8-13 м/с жел соғады. Ауа температурасы 7-9°C аяз, күндіз 1°C аяз.

Оқи отырыңыз