Қытайда бір айда коронавирустан 60 мыңдай адам қайтыс болған

Ковид деңгейі анықталды, Қытайда ковид деңгейі анықталды, сурет - Zakon.kz жаңалық 17.01.2023 14:40

Сурет: pixabay

Қытайда желтоқсанның 8-нен қаңтардың 12-не дейін коронавирустан 60 мыңдай адам қайтыс болған. Мұны жергілікті басшылық мәлімдеп отыр, деп хабарлайды Zakon.kz.

Бұл мемлекет «нөл-ковид» саясатынан желтоқсанның 7-де кенеттен бас тартты. Содан кейін инфекция 1,4 миллиард халқы бар елге бақылаусыз тарай бастаған, деп жазады qazaqstan.tv.

Қазір Қытайда миллиондаған адам пойыздарға, ұшақтарға, автобустарға, кемелерге мініп, туған ауылдары мен қалаларына аттанып жатыр. Өйткені мұнда қаңтардың 21-де шығыс күнтізбесі бойынша Жаңа жыл мерекесі басталады. Сол мейрам барысында 2 миллиард сапар жасалып, коронавирус тіпті өршиді деген қауіп бар.

Мен вирусқа алаңдамаймын. Өйткені жас кезімнен иммунитетім жақсы. Бірінші тексеріс оң нәтиже берді. Өйткені ол кезде волонтер болып, науқастармен жиі кездестім. Карантин тоқтағаннан бері коронавирусқа шалдыққан жоқпын. Бірақ қазір жұқтырып жатқандар көп. Соған қарамастан, туған жеріме кетіп барамын. Алаңсыз сапарға шықтым, себебі тағы ауырмайтыныма сенімдімін. Чжоу Нинь, мигрант жұмысшы

Оқи отырыңыз