СІМ: Италияда қаза тапқан қазақстандық бойжеткеннің денесі апта соңына дейін елге жеткізіледі

Қазақстандық студент Италтяда қайтыс болды, сурет - Zakon.kz жаңалық 23.01.2023 13:22

Сурет: nu.edu.kz

Қазақстан Республикасы Сыртқы істер министрлігінің ресми өкілі брифингте Италияда қайтыс болған Салерно университетінің 27 жастағы докторанты Әсем Жарбосынның мәйіті Қазақстанға апта соңына дейін жеткізілетінін айтты, деп хабарлайды Zakon.kz.

Айбек Смадияров шетелде қиын жағдайға тап болған азаматтарымызға Сыртқы істер министрлігі тарапынан қаржы бөлініп жатқанын айтты.

Оның айтуынша, форс-мажор немесе күтпеген жағдайлар орын алған жағдайда барлық шығынды мемлекет өтейді.

"Естеріңізде болар, өткен аптада қайғылы оқиға орын алды. Біздің азаматымыз көліктің астына түсіп қайтыс болды. Туыстарының өтініші бойынша қазір мәйітті Қазақстанға жеткізуге мемлекеттен қаржы бөлініп жатыр. Құжаттар жақын арада реттеледі, менің ойымша, аптаның соңына дейін қаза тапқан бойжеткеннің денесі Қазақстанға жеткізіледі". Айбек Смадияров

17 қаңтарда Италияда Салерно университетінің 27 жастағы докторанты Әсем Жарбосын көлік қағып кетіп, қайтыс болды. Верди театрының жанында қызды 20 жастағы Peugeot 308 жүргізушісі қағып кеткен.Жас жігіт тоқтап, дәрігерлерді шақырған. Сондай-ақ ол алкогольдік сынақтан өтті, ол теріс нәтиже көрсетті.

Оқи отырыңыз