Қазақстанда күн суытып, қатты жауын-шашын мен тұман күтіледі

Синоптиктер 2023 жылдың 9-11 ақпанында Қазақстанда ауа райы қандай болатынын айтты. Болжам бойынша қазақстандықтарды жауын-шашын, көктайғақ, тұман күтеді, деп хабарлайды Zakon.kz.

«Қазгидромет» РМК мәліметінше, Қазақстан аумағының басым бөлігінде ауа райының тұрақсыз сипаты сақталады.

"9 ақпанда елдің оңтүстігі мен оңтүстік-шығысында қатты жауын-шашын, 10 ақпанда қалың қар күтіледі. Бұл аймақтарда да көктайғақ күтіледі", - делінген хабарламада.

Республикада болжам бойынша, тұман түсіп, қар жауып, жел күшейеді.

"11 ақпанда оңтүстікте және оңтүстік-шығыста жауын-шашынның біртіндеп тоқтауы және түнгі температураның 8-21 аязға дейін төмендеуі күтілуде". «Қазгидромет» РМК