Қазақстанда қар, бұрқасын, тұман, 34 градус аяз күтіледі

Қазақстанда ауа райы нашарлап, температура төмендейді, сурет - Zakon.kz жаңалық 02.12.2022 12:32

Сурет: pixabay

Синоптиктер 2022 жылғы 3-5 желтоқсанда Қазақстанда ауа райы қандай болатынын айтты. Болжам бойынша, қар жауып, бұрқасын, тұман түсіп, 34 градус аяз күтіледі, деп хабарлайды Zakon.kz.

«Қазгидромет» РМК мәліметі бойынша, республиканың басым бөлігінде тұрақсыз ауа райы сақталады – қар жауады, тек республиканың батысында – ауа райы негізінен жауын-шашынсыз.

«Республиканың солтүстік-батысында, солтүстігінде, шығысында және орталығында бұрқасынмен жел күшейеді, оңтүстікте және оңтүстік-шығыста тұман күтіледі», - делінген хабарламада.

Болжам бойынша, ауа температурасы түнде батыста 10-22 градус аяз, оңтүстік-батыста 3-15 градус аяз, солтүстік-батыста және солтүстікте 20-30 градус аяз, кей жерлерде 20-30 градус аяз болады. Орталықта 13-22 градустан 20-30 градус аязға дейін температура төмендейді.

Оқи отырыңыз