Алматы әуежайының басшысы жабысқақ такси жүргізушілері туралы айтты

Сурет: Zakon.kz

"Алматы" халықаралық әуежайының президенті Альп Ер Тунга Ерсой жолаушыларға жайсыздық жасайтын жеке такси жүргізушілерінің мәселесін қалай шешетінін айтты, деп хабарлайды Zakon.kz.

Оның айтуынша, бұл - әуежай әзірге шеше алмайтын тағы бір міндет.

"Өкінішке қарай, жеке такси жүргізушілерін реттеу органдардың құзырында. Мәселе болған кезде полицияға жиі хабарласамыз. Біз де бұл мәселені шешуге бар күшімізді саламыз, бірақ бұл біздің құзырымызға жатпайды".Алматы халықаралық әуежайының президенті Альп Ер Тунга Ерсой

Әуежай басшысы такси қызметкерлерімен жеке кездесіп, бұл мәселені шешуге тырысқанымен тараптар ортақ шешімге келе алмаған.

"Мен таксистерге осы қызметпен айналысатын бір компания болуы үшін барлығын ресімдеуді ұсындым. Көлік бірдей стандартта болсын, жолаушыларға ыңғайлы болу үшін бірыңғай киім киюі керек дедім. Бірақ, өкінішке қарай, біз әлі бір мәмілеге келе алмадық", - деді Альп Ер Тунга Ерсой.

Бұған дейін Алматы әуежайының президенті жаңа терминалдың қашан ашылатынын айтқан еді. Сонымен қатар ол алматылықтарға әуежайда көлік кептелісі мен тұрақ орындарының жетіспеуіне байланысты мәселелер келесі жылға дейін жалғасатынын ескертті. Барлық жобаларды аяқтау үшін дәл сонша әуе айлағы қажет.

Оқи отырыңыз