Шымкентте "Ордабасы" және "Ақтөбе" футбол командасының жанкүйерлері төбелесті

Шымкентте 20-дан астам футбол жанкүйері полицияға жеткізілді. Олар жаппай төбелескен, деп хабарлайды Zakon.kz.

Polisia.kz-тің хабарлауынша, Еңбекші аудандық полиция басқармасына Уәлиханов көшесіндегі "Прага" кафесінің жанында ер адамдар төбелесіп жатқаны туралы хабарлама түскен.

Оқиға орнына дереу патрульдік полиция қызметкерлері мен жедел-тергеу тобы барған.

"Ордабасы" мен "Ақтөбе" футбол командаларының жанкүйерлері арасында келіспеушілік болғаны анықталды.

Қазіргі таңда полиция басқармасына 20 адам жеткізілді. Полиция оқиғаның барлық мән-жайын анықтап жатыр.