Шымкентте алты адамды қаққан автобустың жүргізушісі қамауға алынды

Шымкент, автобус, сурет - Zakon.kz жаңалық 10.04.2023 23:25

Сурет: видео скрині

Шымкенттегі бес адамның өліміне себеп болған автобусқа жауапты компания лицензиясынан айрылуы мүмкін. Полиция департаменті жергілікті әкімдікке осындай ұсыныс хат жолдады, деп хабарлайды Zakon.kz "Астана" телеарнасына сілтеме жасап.

Ал автобус жүргізушісі қамауға алынған.

"Қазіргі таңда ҚР Қылмыстық кодексінің 345-бабы 4-бөлігімен тергеп-тексеру амалдары жүргізіліп жатыр. Сараптамалар тағайындалған. Автобус жүргізушісі қамауда және бізге Шымкент қалалық әкімдігіне SHYMKENT BUS фирмасының жолаушылар тасымалдау лицензиясынан айыру туралы ұсыныс жолданды".Шымкент полиция департаменті анықтау басқармасының бастығы

Еске салайық, 8 сәуірде сағат 18:30 шамасында Шымкенттегі "Метро" сауда үйінің жанындағы екі көшенің қиылысында жүргізушісі жоқ автобус қарсы бағытқа шығып кетіп, жаяу жүргінші жолағында тұрған 6 адамды қағып кеткен, салдарынан 5 адам опат болды.

Оқи отырыңыз