Жамбыл облысында биыл 106 тұрғын үй асар әдісімен салынады

Қоныс той тойланды, сурет - Zakon.kz жаңалық 18.04.2023 12:56

Сурет: Жамбыл облысы әкімінің баспасөз қызметі

Жамбыл облысында ағымдағы жылы “Асалатып үй салу” жобасы аясында баспанаға мұқтаждар үшін 106 тұрғын үйдің құрылысы жүреді.

Атап айтсақ, облыстық құрылыс басқармасының мәліметінше, Тараз қаласында 10, Байзақ ауданында 10, Жамбыл ауданында 8, Жуалыда 10, Меркіде 10, Мойынқұмда 6, Қордайда 15, Сарысуда 8, Таласта 9, Шуда 9 Т.Рысқұлов ауданында 11 үй салынады деп жоспарланған.

Оның ішінде 69 жаңа құрылыс, 24 күрделі жөндеу және 13-і сатып алу арқылы жүзеге аспақ.

Сурет: Жамбыл облысы әкімінің баспасөз қызметі

Осыған орай, облыс әкімі Нұржан Нұржігітов 2020 жылы басталған жобаның негізгі тәрбиелік мәнін назарда ұстау керектігін баса айтып, жауаптыларға нақты міндеттер жүктеген болатын.

«Асарлатып үй салу» жобасының басты мақсаты - ауыл жұртшылығын жанашырлық пен бірлікке жұмылдырып, сол арқылы жас ұрпаққа өнеге көрсете отырып, әлеуметтік осал топтағы, көп балалы отбасылар мен мұқтаж жандарға үй соғып беру.