Түркиядағы атыс кезінде қазақстандық жараланды

Түркияда қазақстандық турист зардап шекті. Ол оқ жарақатын алған, деп хабарлайды Zakon.kz.

КТК телеарнасының мәліметінше, Чекмекөй провинциясындағы көпқабатты үйдің жанында екі белгісіз ер адам бір-біріне оқ жаудырған.

Сыртқы істер министрлігінің мәліметінше, Бегалы ​​Тәліпов сол маңда кездейсоқ болған. Қазақстан консулдығына 31 жастағы ер адам телефон соғып, жарақаты туралы хабарлаған.

Қазір ол Стамбулдағы ауруханалардың бірінде жатыр.

Ол отбасымен Түркияда болды. Ер адам екі жасар қызын емдеуге әкелген. Оның туыстары зардап шеккен жоқ.

24 ақпанда белгілі қазақстандық орындаушы Дархан Жүнісбеков (Дархан Жүз) Пхукет аралында қайтыс болды. Ол велосипедімен апатқа ұшырады.