Алматыда кене шаққан 356 тұрғын дәрігерлер көмегіне жүгінген
Сурет: pixabay
Бір адамнан кене энцефалиті анықталған. Бұл туралы бүгін өткен брифингте Алматы қалалық санитарлық-эпидемиологиялық бақылау департаментінің мамандары мәлімдеді.
Кене шағуынан зардап шеккендердің барлығына кенеге қарсы иммуноглобулин енгізіліп, жедел көмек көрсетілген. Мамандардың айтуынша, күн ысығанда кенелер белсенді бола түседі, деп жазады Хабар 24 арнасы.
"Кене энцефалитінен қорғанудың ең тиімді әдісі – оған қарсы вакцинация алу", - дейді мамандар.
Екпелерді қалалық емханаларда дәрігермен кеңескеннен кейін тегін алуға болады.
Айта кетейік, наурыз айында Алматыда адамдар көп жүретін саябақтар мен скверлерге кенеге қарсы дизинфекциялық өңдеу жасалған болатын. Өңдеудің екінші кезеңі мамыр айының соңында басталады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
