Алматыдағы эпидахуалдың нашарлау себебі айтылды

Сурет: Zakon.kz

Алматы қаласында эпидахуал нашарлап барады. Бұл туралы Алматы қалалық санитарлық-эпидемиологиялық бақылау департаментінің басшысы м.а., қаланың бас мемлекеттік санитарлық дәрігері Қарлығаш Әбдіжаббарова мәлімдеді, деп хабарлайды Zakon.kz

Қарлығаш Әбдіжаббарованың айтуынша, бүгінде Алматы «қызыл» аймақтың ортасында тұр.

Мегаполисте сырқаттанушылықтың тәуліктік өсуі 0,97-ден 1,24-ке жеткен.

Сонымен қатар, аурушаңдықтың 12,8 есе өскені байқалады.

Алматының бас санитар дәрігері қаладағы эпидахуалдың күрт нашарлауына "омикрон" штамының таралуы себеп болғанын айтты.

"Дельта" штамын "омикрон" штамының ығыстыруына байланысты вирус жұқтырғандар санының күрт өсуі байқалды. Айдың соңына дейін күн сайын 3000-ға дейін ауру тіркеледі деген болжам бар.Алматының бас санитар дәрігері Қ. Әбдіжаббарова

Оқи отырыңыз