Шымкентте "Мәңгілік алауға" гүл шоқтары қойылды

Оған Шымкент әкімі Мұрат Әйтенов пен қалалық мәслихаттың төрағасы Бахадыр Нарымбетов, соғыс және тыл ардагерлері мен қаза болған жауынгерлердің ұрпақтары, әскери қызметшілер мен құқық қорғау органдарының қызметкерлері де қатысты.

Жиналған көпшілік Екінші дүниежүзілік соғыс жылдарында майданда қаза тапқан жауынгерлерді бір минут үнсіздікпен еске алып, олардың рухына тағзым етті.

Айта кетейік, 1941-1945 жылдары Шымкент пен оңтүстік өңірден 140 мыңнан астам жауынгер соғысқа аттанып, олардың жартысына жуығы туған жеріне қайта оралмаған.

Гүл шоқтарын қою рәсімінен кейін қала әкімі Мұрат Әйтенов Абай саябағы аумағында арнайы жасақталған далалық-әскери лагерьге келіп, соғыс және тыл ардагерлерімен бірге театрландырылған қойылымды тамашалады. Онда өнерпаздар майдан даласынан көріністер қойып, соғыс жылдарының әйгілі әндерін шырқады. 

Оқи отырыңыз

"Нөсер жаңбыр, бұршақ, найзағай". Еліміз бойынша 8 мамырға арналған ауа райы болжамы

16:52, 07 мамыр 2024

Бауыржан Момышұлы ерлігі – көпке үлгі

16:33, 07 мамыр 2024