11 мамырда Қазақстанда ауа райы қандай болады
Сурет: Zakon.kz
«Қазгидромет» РМК мәліметі бойынша, атмосфералық фронтальды учаскелердің өтуімен республиканың басым бөлігінде найзағай ойнап, жаңбыр жауады. Тек еліміздің оңтүстік-шығысында жауын-шашынсыз ауа райы сақталады.
Республика бойынша желдің күшеюі, солтүстік-батыста, батыста, солтүстікте тұман күтіледі.
Астанада – көшпелі бұлт шығады, өткінші жаңбыр жауады, найзағай ойнайды. Оңтүстік-батыстан соғатын жел солтүстік-шығысқа ауысады 9-14, екпіні 15-20 м/с. Ауа температурасы түнде +10+12°С, күндіз +24+26°С.
Алматыда – көшпелі бұлт шығады, жауын-шашынсыз. Жел 0-5 м/с. Ауа температурасы түнде +14+16°С, күндіз +29+31°С.
Шымкентте - көшпелі бұлт шығады, жауын-шашынсыз. Оңтүстік-шығыстан, оңтүстіктен 5-10 м/с жел соғады. Ауа температурасы түнде +14+16°С, күндіз +31+33°С.
