Қазақстаннан заңсыз шығарылған 100 млн доллар актив шетелдерде анықталды

Қазақстаннан заңсыз шығарылған 100 млн доллар актив шетелдерде анықталды. Бұл туралы Бас прокуратура өкілдері мәлімдеді.

Ведомство ақпаратына сәйкес, бұл қаражат банк шоттарындағы ақша, жылжымайтын мүлік және шетел компанияларындағы акциялар.

Активтер Біріккен Араб Әмірліктері, Швейцария, Латвия және Австрияда жасырылған, деп жазады qazaqstan.tv.

Еске сала кетейік, осыған дейін Лихтенштейн, Австрия, Гонконг және Бірікен Араб Әмірліктерінен Қазақстаннан заңсыз шығарылған 760 млрд теңгенің қайтарылғандығы туралы айтылған болатын.

Оның ішінде Қайрат Сатыбалдыұлының ісіне қатысы бар қымбат зергерлік бұйымдар да болған.