Елімізде күн 38 градусқа дейін ысиды деп болжанды

Синоптиктер Қазақстанда 2023 жылғы 27-29 мамырға арналған ауа райы болжамын ұсынды, деп хабарлайды Zakon.kz.

"Қазгидромет" РМК ұсынған мәлімет бойынша, еліміздің басым бөлігінде найзағай ойнап, жаңбыр жауады.

Ауа райы болжамына сәйкес, шығыс пен оңтүстік-шығыста қатты жаңбыр жауады, тек республиканың солтүстік-батысында және оңтүстігінде күн жауын-шашынсыз болады.

Сондай-ақ республика бойынша жел күшейеді, еліміздің батысы мен оңтүстігінде шаңды дауыл соғады.

Қазақстанда күнзідгі ауа температурасы:

• батыс өңірлерде +32+37°С дейін;
• солтүстік-батыста +30+35°С дейін;
• солтүстікте +20+30°С дейін;
• орталықта +20+28°С дейін;
• оңтүстікте +30+38°С дейін ыстық болады;
• оңтүстік-шығыста ауа температурасы +20+25°С-қа дейін, таулы аймақтарда +10+15°С дейін сәл төмендейді;
• шығыста негізгі фон +23+28°C.