Қазақстанның басым бөлігінде 27 мамырда күн ашық болады
Сурет: unsplash
"Қазгидромет" РМК ұсынған мәлімет бойынша, республиканың оңтүстік-батысында, шығысында және оңтүстік-шығысында найзағай ойнап, жаңбыр жауады, ал республиканың қалған бөлігінде солтүстік антициклонның ықпалымен күн ашық болады.
Республика бойынша жел күшейеді, батыста – шаңды дауыл, солтүстікте түнде және таңертең тұман болжанды.
Атырау облысының басым бөлігінде, Павлодар облысының шығысында, орталығында, Қызылорда облысының шығысында, Қарағанды облысының шығысында, Ұлытау облысының орталығында, Ақтөбе облысының оңтүстік-батысында, Абай облысының солтүстігінде төтенше өрт қаупі болжанды, Қостанай облысының басым бөлігінде жоғары өрт қаупі сақталады.
Астанада – көшпелі бұлт шығады, жауын-шашынсыз. Солтүстік-шығыстан 7-12 м/с жел соғады. Ауа температурасы түнде +5+7°С, күндіз +21+23°С.
Алматыда – көшпелі бұлт шығады, жауын-шашынсыз. Желдің екпіні 3-8 м/с болады. Ауа температурасы түнде +12+14°С, күндіз +24+26°С.
Шымкентте – көшпелі бұлт шығады, жауын-шашынсыз. Шығыстан соғатын желдің екпіні 8-13 м/с болады. Ауа температурасы түнде +14+16°С, күндіз +28+30°С.
